Gihingusgan ni Taiwan President Lai Ching-te nga dili isakripisyo bisan usa ka pulgada sa ilang teritoryo, samtang iyang gipasiugda nga ang kalinaw mahimong mapanalipdan pinaagi sa kusog nga depensa.
Gihimo ni Lai ang pahayag atol sa pagtimaan sa 68th anniversary sa 1958 nga panagsangka batok sa pwersa sa China, nga nailhan isip pagsugod sa second Taiwan Strait crisis.
Mibisita usab ang presidente sa frontline island sa Kinmen, diin naghalad siya og wreath ug naghatag og respeto sa mga nakig-away niadtong panahona.
Matud ni Lai, dili angay mausab ang ilang determinasyon sa pagdepensa sa ilang soberanya ug pagpanalipod sa kalinaw sa Taiwan Strait. Wala pa dayong tubag ang Taiwan Affairs Office sa China kabahin sa maong pahayag.
Photo Courtesy: Britannica
