Dako matud pa ang papel sa teknolohiya sa adlaw-adlaw nga kinabuhi sa mga kabatan-onan, apan giatubang usab ang kabalaka sa posibleng negatibong epekto sa sobra nga paggamit niini, ilabina sa online games nga adunay violent tasking o shooting content.
Sa pakighinabi sa Juander Radyo Tagum News Team kang DepEd Tagum – Project Development Officer II-DRRM Marjun T. Dawal nga posible nga adunay impluwensya sa online games dili ang mga insidente sa pagpamusil sulod sa eskwelahan o agresibong pamatasan sa mga estudyante.
Apan, ang sobra ug walay hustong pagdumala nga exposure sa violent content mahimong usa sa mga butang nga angay tutukan, ilabina kung adunay uban pang problema sama sa bullying, family issues, emotional distress, o kakulang sa suporta.
Dugang pa ni Dawal, nga iyaha usab gihangyo ang panggamahanan nga pakusgan ang mga paugnat sa kusog nga mga aktibidad, aron ma-divert ang kabataan sa isports.Gidasig sab ang mga ginikanan nga mas bantayan ang online activities sa ilang mga anak ug mahibal-an kung unsa nga mga dula ug content ang ilang kanunayng gi-access.
Gipasiugda usab ang importansya sa abli nga komunikasyon tali sa ginikanan, estudyante ug eskwelahan aron sayo nga matagad ang mga timailhan sa agresyon, pagbag-o sa pamatasan, o uban pang problema nga mahimong makaapekto sa ilang panghuna-huna ug emosyon.
Sa bahin sa mga eskwelahan, gikinahanglan usab ang mas lig-on nga guidance ug counseling programs, lakip ang pag-edukar sa mga estudyante bahin sa responsableng paggamit sa teknolohiya ug social media.
Sa katapusan, ang teknolohiya ug online games dili awtomatikong hinungdan sa pagpamusil o pagpangabuso. Mas importante ang hiniusang responsibilidad sa pamilya, eskwelahan ug komunidad aron masiguro nga ang teknolohiya mahimong himan sa pagkat-on ug kalingawan, dili tinubdan sa peligro.
