Gihimo ang usa ka personalized cancer vaccine sa Moderna ug Merck nga nagpakita og positibong resulta sa clinical trial isip pamaagi aron malikayan ang pagbalik ug pagkaylap sa melanoma, usa ka matang sa kanser sa panit.
Gisusi ang treatment sa kapin 1,000 ka pasyente nga miagi og operasyon aron tangtangon ang ilang tumor, apan nagpabiling taas ang risgo nga mobalik ang sakit.
Naggamit ang bakuna og customized mRNA nga gituyo aron tudluan ang immune system sa lawas sa pag-ila ug pag-atake sa cancer cells nga espesipikong anaa sa matag pasyente. Padayon pa ang clinical trials aron masuta ang kaluwasan ug kaepektibo sa maong treatment.
Naglaum ang mga eksperto nga mahimo usab kining magamit batok sa ubang matang sa kanser sa umaabot. Gipasiugda usab nga bisan positibo ang unang mga resulta, kinahanglan pa og dugang pagtuon sa dili pa kini mahimong lapad nga treatment alang sa mga pasyente sa kanser.
Photo Courtesy: Linkedln
