Ginluthang ang mag-asawa samtang nagasakay sa pula nga multicab nga may karga nga lubi sa kalabaon sang National Highway, Datu Montawal, Maguindanao Del Sur, Biyernes, Agosto 21, 2026.
Suno sa inisyal nga impormasyon, wala na nakaabot nga buhi sa isa ka balay-bulolngan ang babaye matapos makabaton sang nagkalain-lain nga igo sang bala sa iya lawas samtang kritikal naman ang kahimtang sang iya bana. Ang nasambit nga mga biktima, residente sang Aleosan, North Cotabato.
Padayon ang imbestigasyon sang kapulisan sa motibo kag gintunaan sang pagpangluthang. Nagpatigayon man ang mga kapulisan sang hot pursuit operation batok sa suspek nga nakapalagyo pagkatapos sang nasambit nga insidente.
Samtang, nagapanawagan ang mga otoridad sa mga nakasaksi ukon may impormasyon parte sa insidente nga magbulig sa imbestigasyon agud madakpan gilayon ang responsable sa krimen.
