Patay ang isa ka non-uniformed employee sang Sultan Kudarat Municipal Police Station matapos gin-ambush sang mga armado nga lalaki sa Barangay Dalumangcob, Sultan Kudarat, Maguindanao del Norte, Sabado sang aga, Agosto 22, 2026. Ginkilala ang biktima kay Jonathan Juan, isa ka civilian personnel sang nasambit nga istasyon.
Suno sa inisyal nga report sang Police Regional Office-Bangsamoro Autonomous Region, nagasakay si Juan sa iya Honda Click nga motorsiklo, nga may plaka nga 423 MRI, halin sa Cotabato City sang ginluthang-patay sang mga armado nga lalaki sa bahin sang Cotabato-Kidapawan Highway.
Nakaangkon sang madamo nga pilas bangod sa pagpamusil si Juan kag gilayon nga napatay. Pagkatapos sang nasambit nga insidente, madasig nga nga nagpalagyo ang mga suspetsado gamit ang mga motorsiklo.
Padayon naman ang imbestigasyon sang mga otoridad agud mahibaluan ang identidad sang mga suspek kag motibo sa pagpamusil. Ang Maguindanao del Norte isa sa mga probinsya nga sakop sang Bangsamoro Autonomous Region in Muslim Mindanao.
