Miani ug mga nag-kalainlaing pagdayeg ang usa ka makapadasig nga istorya ug nahimong inspirasyon sa daghang tawo ang usa ka meyimbro sa Person With Disability human siya makitang nagtrabaho isip delivery rider gamit ang iyang wheelchair.
Bisan pa niana, wala siya magpadaug sa iyang kahimtang tungod kay lisod alang kaniya ang pagpangita og trabaho tungod sa iyang situation rason nga nakahukom siya nga mosulay isip delivery rider gamit ang wheelchair
Pinaagi sa iyang wheelchair, padayon siyang nagtrabaho aron makapanginabuhi, ang iyang determinasyon ug kakugi nakakuha usab sa atensyon sa social media, diin daghang tawo ang nakadayeg sa iyang paningkamot.
Dili lang sa pagtrabaho makita ang kusog sa pagpaningkamot ni Dany gumikan usa usab siya ka miyembro sa wheelchair basketball team nga gitawag og “The Warriors of Michoacán”.
Ang iyang istorya nahimong inspirasyon sa daghang mga PWD tungod kay iyang gipakita nga bisan adunay dagkong pagsulay sa kinabuhi, nahimo gihapon niya ang pagpanarbaho aron makab-ot ang iyang mga pangandoy.
Si Dany usa ka maayong panag-ingnan sa matag-usa, labina sa mga pariha niyang usa ka Person With Disability, ug matud pa niya determinasyon ug ang iyang pagpaningkamot maoy nagtukmod kaniya sa matag adlaw alang sa iyang pakigbugno sa mga pagsulay.
Photo Courtesy: Disability Rights advocates Center
