Kapin sa singkwenta ka mga miyembro sa Farmer’Association ug miyembro sa Womens Association sa Barangay Sagua, Margosatubig, Zamboanga del Sur ang aktibong naminaw alang sa Juander Radyo Loyalista Orientation nga gihimo kagahapon, Agosto 21, 2026.
Nanguna sa pagpasabot sa maong kalihukan si Station Manager Mardy Libres uban sa Juander Radyo News Team nga nahimo usab pinaagi sa imbitasyon sa Cluster 3 Head nga si Marciano Sanguila.
Atol sa maong kalihukan, positibo usab nga mitubag aron mag-coordinator ang Farmers Association President nga si Enrique “Jun” Tul nga gisuportahan usab sa tanan niyang mga miyembro nga interesado usab moapil sa organisasyo.
Ang Juander Radyo Loyalista Incorporated usa ka organisasyon sa pagtinabangay diin ang mga myembro motabang pinaagi sa 10 centavos matag higayon nga adunay mamatay nga myembro sa Juander Radyo Loyalista Incorporated Zamboanga del Sur Chapter.
Giawhag ang katawhan nga gustong magpa-orient sa ilang lugar nga motawag lang sa 0917-162-7853 o mag message sa Juander Radyo Pagadian 104.7 FM Facebook Page.
Alang sa mga duol nga lungsod, bisitaha lang ang estasyon nga nahimutang sa Sindatoc Bldg, Pulmunes Street, San Pedro District, Pagadian City.
