Mokabat sa 766 ka mga fisherfolk sa Zamboanga del Sur ang nakapa-insured ilawom sa Fisheries Insurance Program, base sa pinakabag-ong datos sa PCIC 9.
Segun ni Isagani Templanza III, Chief sa Marketing and Sales Division sa PCIC 9, sa pito nila ka product insurance pinakaubos ang ihap sa mga fisherfolk nga nikuha sa Fishery insurance as of July 2026.
Ang Fishery insurance nagtumong sa pagpanalipod sa mga mananagat batok sa posibleng pagkawala o kadaot sa ilang panginabuhian o mga pangisdaan tungod sa mga epekto sa kalamidad.
Gidasig usab ni Templanza ang mga fisherfolk nga magpa-enroll ug pahimuslan ang mga programa sa insurance aron adunay dugang proteksyon ang matag panginabuhian.
Samtang, padayon usab siya sa pag-awhag sa mga lokal nga pangagamhanan nga palapdan pa ang information dissemination kabahin sa fisheries insurance aron mas daghang mga fisherfolk ang makabenepisyo niini.
Samtang malaumon si Templanza nga madugangan pa ang ihap sa mga fisherfolk nga magpa-insured sa ilang pangisdaan kon daghan ang makahibalo sa ilang mga programa.
