Nakadawat og 6,902 pesos ug 76 sentimos nga stipend ang 86 ka estudyanteng benepisyaryo sa Special Program for Employment of Students o SPES sa Pantukan, Davao de Oro, human malampusong nahuman ang ilang 20 ka adlaw nga work program.
Gitunol ang stipend niadtong nakalabay nga adlaw, pinaagi sa Municipal Mayor’s Office ug Public Employment Service Office o PESO ubos sa pagpangulo ni Mayor Oliver “Noy” Ceniza.
Gipasiugda ni Mayor Noy nga gawas sa pinansyal nga tabang, nakakuha usab ang mga estudyante og praktikal nga kasinatian sa serbisyo publiko ug mga kahanas nga makatabang sa ilang umaabot.
Samatang gidasig ang mga benepisyaryo nga ipadayon ang ilang pag-eskwela ug gamiton sa maayong paagi ang ilang stipend, ilabina sa mga panginahanglanon sa eskwelahan ug personal nga panginahanglan.
