Nadakpan sa kapulisan ang usa ka 44-anyos nga lalaki nga giila lamang sa alyas nga “Jovito,” human masakpan sa usa ka drug buy-bust operation sa Purok 1-A, Barangay Taglatawan, Bayugan City, Agusan del Sur.
Sumala sa kapulisan, nahitabo ang operasyon bandang alas 10:37 sa gabii kagahapon, Agosto 21, 2026, diin ang mga operatiba mipahigayon og buy-bust operation ug nagpaka aron ingnon nga buyer sa giingong transaksyon sa ilegal nga droga.
Sa maong operasyon, nakuha gikan sa posisyon sa suspek ang tulo ka pakete nga gituohang shabu, usa ka cigarette pack, duha ka lighter, usa ka rectangular plastic container ug ang buy-bust money. Gibutyag usab sa suspek sa mga otoridad nga siya mismo naggamit sa ilegal nga droga ug kaniadto na usab siyang napriso tungod sa susamang kaso nga may kalabotan sa shabu.
Sa pagkakaron, anaa na sa kustodiya sa Bayugan Component City Police Station ang suspek samtang naghulat sa tukmang proseso sa balaod. Atubangan sa suspek ang posibleng kasong paglapas sa Republic Act 9165 o Comprehensive Dangerous Drugs Act of 2002, depende sa resulta sa imbestigasyon ug tukmang pagpasaka sa kaso sa mga otoridad.
Photo courtesy: Melver A. Sabando
