Gipahibalo na sa mga organizer sa US Open ang kinatibuk-ang premyo alang sa 2026 tournament nga mokabat sa $108 Million, o kapin ₱7 billion. Sumala sa organizers, kini na ang pinakadakong prize money sa kasaysayan sa Grand Slam, ug 20 porsyento nga mas taas kumpara sa miaging tuig.
Ang mga mahimong kampiyon sa men’s ug women’s singles makadawat og 5.5 million dollar, o kapin P340 million matag usa. Kini 10 porsyento nga mas taas kumpara sa premyo sa miaging tuig.
Samtang, ang mga ma-eliminate sa opening round makadawat og 140,000 dollar, o kapin P9 million, nga 27 porsyento nga mas taas kumpara sa miaging tuig. Sa doubles competition, ang mga kampeon sa men’s, women’s ug mixed doubles makadawat og 1 million dollar, o kapin P61 million matag draw.
Gawas pa niini, adunay 2 million dollars, o kapin P124 million, nga igahin alang sa player welfare fund. Pinaagi sa maong rekord nga prize pool, gilauman nga mahimong mas dako pa ang insentibo alang sa mga world-class tennis players nga mosalmot sa US Open 2026.
Photo courtesy: tennisupdate.com
