Nipadayag sa iyang dakong kabalaka si Senator Raffy Tulfo human sa nahitabong pagpamusil sa Ateneo de Zamboanga University niadtong Agosto 18 nga mikalas sa kinabuhi sa duha ka estudyante, lakip na ang Grade 10 nga suspek nga nag-suicide usab. Naggikan ang armas sa amahan sa suspek nga usa ka Customs police officer, diin gi-livestream pa ang krimen sa social media. Tungod niini, dali nga misulat ang senador ngadto sa DepEd ug nagduso og pahugtan ang seguridad pinaagi sa paggamit og handheld metal detectors sa mga guard sa eskwelahan.
Aron mapugngan ang susamang bag-o ng insidente, gihagit ni Tulfo ang Philippine National Police (PNP) nga magsusi gayud sa storage facility sa matag magkuha og License to Own and Possess Firearms (LTOPF). Gitataw niya nga kon ang armas magamit sa sayop nga paagi tungod sa kakuwang sa pagbantay sa tag-iya, kinahanglan pasakaan og kaso ug ipabilanggo ang licensed owner.
Gipa-review usab sa senador ang Senate Bill No. 2371 aron amyendahan ang Juvenile Justice and Welfare Act para sa paghimo og Regional Rehabilitation Centers alang sa mga batan-on (edad 12–15) nga makahimo og bug-at nga krimen. Uban niini, nanawagan usab siya alang sa mas gipahugtan nga pag-monitor sa paggamit og gadgets, social media, ug online games sa mga kabataan pinaagi sa Parent-Teacher Association (PTA)
Photo Courtesy:Senate PRIB / OS Raffy Tulfo
