Nakaangkon og dako ug subling kalampusan ang Lungsod sa Kibawe human opisyal nga napanalipdan sa ilang 21 ka barangay ang “Drug-Cleared Status.”
Kini nga dungog giaprubahan sa 7th Meeting sa Regional Oversight Committee on Barangay Drug Clearing (ROCBDC) nga gipahigayon didto sa PDEA Regional Office 10 sa El Salvador City, Misamis Oriental.
Sumala sa DILG Kibawe Field Office, ang maong dungog nagpakita sa padayon nga paningkamot ug paghiusa sa mga opisyal sa barangay, Municipal Anti-Drug Abuse Council (MADAC), kapolisan, ug mga lungsuranon. Ang ilang aktibong pagpatuman sa Barangay Drug Clearing Program (BDCP) nahimong importanteng baluarte aron mapanalipdan ang matag komunidad batok sa hulga sa iligal nga droga.
Tungod niining maayong balita, nagpadayag sa ilang dakong pagpasalamat ang DILG Kibawe ug nipasalig nga magpabilin silang mag-abag sa matag lokal nga pamunoan. Ang ilang prayoridad mao ang pagpahugot pa sa mga programa aron masiguro ang padayon nga kalinaw, seguridad, ug usa ka hingpit nga drug-free nga lungsod alang sa tanan
Photo Courtesy: LGU – Kibawe
