Nanawagan ang Department of Environment and Natural Resources kun DENR sa publiko ug mga local nga kagamhanan nga mas pahugtan pa ang pamalaod sa solid waste management.
Sugyot sa buhatan nga una kining responsibilidad sa mga local nga kagamhanan lakip na ang waste segregation, pagkolekta sa resource recovery, recycling, ug uban pa subay sa RA 9003 kun Ecologigcal Solid Waste Management Act of 2000.
Dugang niini nga bililhon ang pagpatuman sa matag komunidad og hustong pagdumala sa basura aron nga malikayan nga maanod kini sa baha paingon sa mga kanal, sapa, baybayon, ug uban pa nga posibleng kapaingnan labi na sa padayon nga epekto sa hanging habagat sa kaulohan ug sa pipila ka mga lugar sa nasud.
Giklaro sab sa buhatan nga usa ka natural phenomenon ang habagat apan anaa gihapon sa atong kamot ang pagdumala sa mga basura aron dili kini mahimong makababag sa mga agianan sa tubig nga usa sa mga hinungdan sa grabe nga pagbaha.
Photo courtesy: OpinYon News
