Migahin ang bag-ong UK Prime Minister Andy Burnham og mga lakang aron matabangan ang mga tawo nga natulog sa kadalanan nga makabalhin ngadto sa temporaryo ug permanente nga kapuy-an, uban sa tumong nga makahatag og solusyon sa rough sleeping sa England sa dili pa moabot ang Pasko.
Kabahin sa plano ang pagpalig-on sa emergency accommodation ug dugayng suporta sa pagpangita og permanenteng housing sa mga lugar nga pinakagrabe ang homelessness ug housing pressure. Mokabat sa £442 milyon ang pondo nga ipang-apod-apod, diin mas dako nga bahin ang madawat sa mga lugar nga adunay labing taas nga panginahanglan.
Gipahibalo usab ni Burnham nga iyang ihatag ang 15% sa iyang sweldo ngadto sa mga programa ug organisasyon nga nagtabang sa mga homeless. Matud niya, dili niya gusto nga mahimong normal na lang sa katilingban ang paglabay sa mga tawo nga natulog sa kadalanan nga walay tabang.
Base sa government figures, miabot sa rekord nga 4,793 ang rough sleepers sa England niadtong 2025, samtang gibanabanang 382,000 ang kinatibuk-ang homeless sa maong tuig, lakip ang mga tawo ug pamilya nga walay permanente o kasigurohang kapuy-an.
Ang gobyerno nag-ingon nga ang bag-ong pondo makatabang usab sa pagtukod og kapin 1,000 ka permanenteng balay sulod sa sunod tulo ka tuig, bisan pa sa pipila ka pagduhaduha gikan sa ubang partido sa politika.
Photo courtesy: Big Issue
