Misaka ang average retail price sa bugas sa tibuok nasud sa unang mga adlaw sa Agosto, pipila ka semana sa wala pa gilauman nga magsugod ang peak sa harvest season sa Setyembre, sumala sa Philippine Statistics Authority (PSA).
Base sa labing awahi nga datos sa PSA, ang regular milled rice miabot sa average nga P49.61 kada kilo gikan Agosto 1 hangtod 5. Mas taas kini og 22.16 porsyento kun itandi sa P40.61 kada kilo sa susamang panahon niadtong 2025.
Misaka usab ang presyo sa pipila ka nag-unang produkto sama mantika kun cooking oil nga misaka ngadto sa P200.04 kada litro kun 6.2 porsyento ug 8.42 porsyento, matag usa, kun itandi sa susamang panahon niadtong miaging tuig.
Samtang, mikunhod ang presyo sa pipila ka produkto sama sa preskong baboy nga adunay bukog, string beans, ug Hawaiian ginger kun itandi sa miaging tuig. Ang carabao mangoes, hinuon, misaka ang average retail price ngadto sa P156.17 kada kilo gikan sa P145.75 kada kilo sa unang bahin sa Hulyo.
Ang pagsaka sa presyo sa bugas nasinati samtang nag-andam ang Department of Agriculture (DA) sa posibleng pagkunhod sa palay production sa ikatulong quarter tungod sa gilauman nga epekto sa El Niño.
Photo Courtesy: PNA
