Mag-atbang ang walo ka lungsod ug munisipyo sa Cebu 7th District sa Alcantara Fiesta League nga ipahigayon karung adlawa Agosto 21 ug ugma Agosoto 22 sa Alcantara Sports Complex. Apil sa torneyo ang Alcantara, Badian, Dumanjug, Malabuyoc, Ginatilan, Ronda, Moalboal ug Alegria, kauban ang mga grupo nga mirepresentar sa ilang mga lungsod sa unang Calderon Cup Women’s Volleyball Tournament niadtong Mayo.
Kabahin ang kompetisyon sa pista sa Alcantara alang kang St. Augustine of Hippo ug inisyatibo ni Mayor Fritz Lastimosa. Matud ni chief organizer Atty. Ramil Abing, padayon kini sa sports program ni Cong. Patsy Calderon aron mahatagan og dugang kompetisyon ug kahigayonan ang mga atleta nga mapalambo ang ilang abilidad sa volleyball.
Magsugod ang mga duwa alas 9 sa buntag karung adlawa. Sa unang adlaw, mag-atbang ang Badian ug Dumanjug, sundan sa Malabuyoc kontra Ginatilan, Alcantara kontra Ronda, ug Moalboal kontra Alegria. Samtang ang semifinals ug championship ipahigayon sa ugmang adlawa Agosto 22.
Makadawat ang kampyon og ₱20,000, runner-up ₱15,000, third placer ₱10,000, samtang ang MVP makadawat og ₱7,000.
Photo courtesy: Cebu Daily News
