Mipalag si Davao City 1st District Rep. Paolo “Pulong” Duterte kang Atty. Lorna Kapunan human niini nga gilambigit ang pamilya Duterte sa shooting incident sa Ateneo de Zamboanga University (AdZU) niadtong Agosto 18.
Sa iyang pamahayag, giingon ni Duterte nga dili angay gamiton ang maong insidente aron ipasulod pag-usab ang mga alegasyon batok sa iyang pamilya.
Matud niya, ang pagpamusil usa ka krimen nga angay imbestigahan ug ang mga responsable panubagon, dili gamiton isip impeachment propaganda.
Gisaway usab ni Duterte ang Akbayan Party-list tungod sa mga pamahayag niini batok kang Vice President Sara Duterte ug sa panawagan nga paspason ang impeachment trial niini sa Senado.
Photo Courtesy: House Members- Congress of the Philippines
