Gipahimangnoan ni Balamban Municipal Mayor Amos Cabahug ang mga motorista ug publiko nga moagi sa Transcentral Highway tungod sa sunod-sunod nga mga disgrasya nga nahitabo sa maong lugar.
Gidasig sa mayor ang mga motorista nga mag-amping kanunay ilabina sa mga bahin sa highway nga delikado ug kasagarang hinungdan sa aksidente. Likayi ang pagpakusog sa dagan aron malikayan ang posibleng pagkabangga ug uban pang insidente nga mahimong mokutlo og kinabuhi.
Sumala pa ni Mayor Cabahug ang ka importante sa pagsunod sa speed limit ug pagmatngon sa kahimtang sa dalan samtang nagbiyahe makapaluwas sa maong mga insidente.
Nanawagan usab ang mayor sa tanang motorista nga unahon ang kaluwasan kaysa pagdali aron mapanalipdan ang ilang kaugalingon ug ang ubang naggamit sa sa maong dalan.
Photo courtesy: Mayor Gungun Gica / Fb Page
