Namatay ang kanhi miyembro sa Sugarpop nga si Vanessa Rangadhol sa edad nga 30 anyos, human sa aksidente niadtong Agosto 19, 2026.
Sumala sa iyang pamilya, ang maong aksidente miresulta sa grabeng traumatic brain injury ug internal brain hemorrhage. Bisan pa sa paningkamot nga mahatagan siya dayon og medikal nga pagtagad, nabawian gihapon kini sa hinulamang kinabuhi.
Si Vanessa, nailhan usab isip Vanessa Blanca, nga maoy female singer sa Sugarpop ug nakaduet ni Aikee sa viral nga kanta nga “DOTA o Ako.” Samtang nagpahayag usab sa ilang pahasubo ang iyang mga kauban sa Sugarpop nga sila Julie Anne San Jose, Rita Daniela, Enzo Almario ug Pocholo Bismonte.
Matud ni Julie Anne, giplano pa unta nila ang reunion sa Sugarpop, apan “will never be the same” na kini human sa pagkawala ni Vanessa.
Photo Courtesy: Balik Tanaw at Alaala
