Tutokan sa Malacañang ang mga lugar nga adunay pinakataas nga gidaghanon sa mga Pilipinong nakasinati og kagutom, human sa resulta sa OCTA Research survey nga nagpakita nga 21 porsyento ang nakasinati niini sa ikaduhang quarter sa 2026.
Matod ni Palace Press Officer Undersecretary Claire Castro, susihon sa gobyerno ang detalye sa survey aron mahibal-an kung asa nga mga lugar ang mas nanginahanglan og tabang.
Samtang, matod niya nga adunay nakitang kausaban sa kahimtang sa mga pamilyang naabot sa Walang Gutom Program. Base sa pinakabag-ong survey sa Social Weather Stations o SWS, kapin 600,000 ka mga pamilyang Pilipino na ang giilang adunay kasiguruhan sa pagkaon.
Bisan pa niini, padayon nga palig-onon sa gobyerno ang mga programa batok sa kagutom aron mas daghang pamilyang nanginahanglan ang maabot.
Photo Courtesy: LiCas. News Philippines
