Nagpahigayon ang Montevista Municipal Police Station sa school visitation, awareness activity ug shooting incident preparedness drill sa Montevista National High School kagahapong adlawa.
Gipangulohan kini ni PMAJ Dexter James S. Melicor, COP, diin gitutokan ang pagpalig-on sa kahibalo ug kahandam sa mga estudyante, magtutudlo ug school personnel kon adunay shooting-related incident.
Gipahinumdoman usab ang mga partisipante nga magpabiling kalmado, mosunod sa emergency procedures ug makigtambayayong sa kapulisan aron masiguro ang kaluwasan sa tanan.
Kabahin kini sa padayong paningkamot sa PNP sa pagpalig-on sa seguridad sa mga eskwelahan ug pagpugong sa krimen pinaagi sa aktibong pakigtambayayong sa komunidad.
