Gipasakahan og kaso ang Bureau of Internal Revenue (BIR) batok sa Hongsheng Gaming Technology, Inc. tungod sa giingong ₱2.228 bilyong kakulangan sa pagbayad og buhis.
Gisumite sa BIR ngadto sa Department of Justice ang tax evasion case human matikdi ang giingong wala pagdeklarar sa hustong kita, pagpalusot sa Value-Added Tax o VAT, ug kapakyasan sa pagbayad sa withholding tax alang sa mga langyaw nilang empleyado gikan 2021 hangtod 2023.
Sumala sa BIR, adunay dakong kalainan tali sa gidiklarar nga kita sa kompanya ug sa mga opisyal nga rekord sa gobyerno, nga miresulta sa kapin ₱2.227 bilyon nga giingong kulang nga buhis.
Gipasabot sa BIR nga kabahin kini sa ilang padayong Run After Tax Evaders o RATE Program aron gukdon ang mga kompanyang mosulay paglikay sa hustong pagbayad og buhis.
Photo Courtesy: Philippine News Agency
