Nagpatigayon ang Sultan Kudarat State University ukon SKSU sang ASEAN 2026 Community Engagement and Public Service Fair sang Agosto 20, sa SKSU-Access, EJC Montilla, Tacurong City.
Ang nasambit nga aktibidad,kabahin sang ASEAN 2026 Community Engagement Series sang unibersidad, nga ginpangunahan sang International Affairs Division paagi sa inisyatibo ni Atty. Nolan E. Albano, Director for International Affairs kun sa diin ginsuportahan man ni SKSU 5th University President Atty. Cyrus E. Torreña.
Nagtililipon sa fair ang mga academic units, alumni kag partner government agencies agod maghatag sang libre nga serbisyo, konsultasyon kag informasyon sa SKSU community.
Lakip sa mga serbisyo ang medical check-up kag consultation, legal aid, assistance para sa mga nagapanumdom mangin OFW, gender justice services, kag mga serbisyo halin sa DOLE, Philhealth, SSS, Pag-ibig, NCIP kag COMELEC. May mga legal education session man sang sksu college of law kag mga partner nga ahensya.
Pinaagi sa aktibidad, ginalauman sang SKSU nga mapalig-on ang kooperasyon sa mga government agencies kag mapalapad ang access sang komunidad sa mga panginahanglan nga serbisyo.
Photo Courtesy: Sultan Kudarat State University
