Gin-talana bilang Public Schools District Supervisor kag Officer In-Charge sang Office of the Assistant Schools DivisionSsuperintendent sang Schools Division Office sang Tacurong City si Ma’am Ayesha P. Piñol.
Ginpatigayon ang installation ceremony sang Agosto 19, 2026, nga gin-tambunngan sang mga opisyal sang Department of Education, Local Government, School Heads, Division Personnel kag mga education partners.
Sa seremonya, ginpahadumdom ni DEPED 12 Regional Director Atty. Alberto D. Escobarte sa bag-o nga opisyla nga himuson ang bag-o nga posisyon bilang oportunidad para magtubo, mag-usisa sang bag-o nga mga possibilidad kag magbulig sa mas dako nga misyon sa edukasyon.
Suno kay Tacurong City Mayor Lina O. Montilla nga importante ang makusog nga partnership sa tunga sang City Government kag DEPED agod masiguro ang kaluwasan, kaayuhan kag kalampusan sang mga estudyante.
Samtang, sa iya response, ginpabatyag ni Piñol ang iya panumpa nga magpanguna paagi sa matarong, matinlo, transparent kag people-centered nga leadership kun sa diin ang iya papel indi lamang bilang leader, kundi bilang partner sang mga teacher, school heads, learners kag tibuok nga education community.
Ginpahayag man ni Piñol ang iya luyag nga mapalig-on ang mga eskwelahan bilang isa ka luwas nga dapit para sa mga estudyante, kun sa diin sila respetuhon, protektahan kag suportahan sa pagtuon.
Photo Courtesy:DEPED 12 SDO Tacurong City
