Gihupay sa Police Regional Office (PRO)-9 ang kabalaka sa mga ginikanan bahin sa seguridad sa mga eskwelahan, ilabina human sa shooting incident nga nahitabo sa Zamboanga City karong bag-o.
Matud ni PMAJ Shielamie Chang, Regional Public Information Officer sa PRO-9, nga gimando karon sa Regional Director nga si PBGen Dennis Esguerra, ang Special Investigation Task Group (SITG) aron paspasan ang imbestigasyon sa nahitabo sa eskwelahan sa Zambaonga City.
Gipasalig sa opisyal sa kapulisan nga pahugtan ang koordinasyon ug dayalogo uban sa mga school administrators ug mga stakeholder aron mas mapalig-on pa ang seguridad sulod ug palibot sa mga eskwelahan.
Gidasig sa opsiyal ang mga personnel sa mga eskwelahan ug komunidad nga magtinabangay ug moreport dayon sa mga kahina-hinalang kalihokan aron mapugngan ang susamang hitabo og mapadayon ang luwas nga learning environment.
