Nadakapan sa mga kapulisan ang usa ka pinangita sa balaod atol sa law enforcement operation nga gikasa sa Labangan Municipal Police Station ug 902nd Regional Mobile Force Company sa may Barangay San Isidro, Labangan, Zamboanga del Sur, mga 1:00 sa hapon, Agosto 20,2026.
Ang dinakpan nagpangidaron ug 59 anyos, mag-uuma, ug residente sa nahisgutan nga lugar. Siya gidakop pinasikad sa gahom sa warrant of arrest gumikan sa kalapasan sa Presidential Decree 1602 o balaod nga nagtakda og mas bug-at nga silot batok sa illegal gambling.
Ang warrant of arrest gi-isyu sa 9th Municipal Circuit Trial Court sa Labangan-Tukuran, Zamboanga del Sur nga adunay pyansa nga girekomendar nga P30,000 bugti sa iyang temporaryong kagawasan.
Ang akusado sa karon nakakustudiya na sa Labangan Municipal Police Station alang sa tukmang pagpasaka sa kaso batok kaniya.
Photo Courtesy: Shutterstock
