Gipasiugdahan sa bag-ong Philhealth President ug CEO DR. Beverly Lorraine Ho ang pagpalig-on sa primary care system aron mas mapadayon ang serbisyo sa Philhealth sa umaabot nga mga tuig. Matud ni Ho, kapin sa 15 porsyento sa benefit payouts sa PhilHealth ang napaingon sa dialysis, hinungdan nga gikinahanglan ang mas lig-on nga pag-atiman sa kahimsog, ilabi na ang prevention.
Iyang gipasabot nga kung mapalig-on ang health promotion, hustong pagkaon, posible nga maminusan ang mga sakit nga mahimong mosangpot sa kidney problems ug dialysis.
Gipasiugda usab ni Ho ang Yakap o Yaman ng Kalusugan Program gipalapdan sa mga eskwelahan ug workplaces aron mas sayon ang access sa primary healthcare sa mga miyembro.
Dugang ni Ho, mas maayo ang pagpugong sa sakit kaysa maghulat nga mograbe kini aron magpadayon ang pagsiguro nga adunay access ang mga Pilipino sa konsultasyon ug tambal kung gikinahanglan.
Photo Courtesy: Philippine News Agency
