Giila ug gipasabot ni Bukidnon Governor Rogelio Neil Oneil Roque ang mga kinahanglanong lakang alang sa pagpangandam sa operasyon sa Bukidnon Airport atol sa “Multi-Stakeholders’ Forum: Connecting Opportunities, Driving Growth” niadtong Agosto 19, 2026 sa Roadhouse Courtyard, Valencia City.
Nagkahiusa ang mga ahensya sa gobyerno, pribadong sektor, ug mga airline companies aron sigurohon nga tourism-ready ang lalawigan ug mapahimudsan ang dako nga potensyal sa airport sa pagpukaw sa ekonomiya, negosyo, ug connectivity, samtang gipahimangnoan ni DOT Regional Director Marie Elaine Unchuan ang pagporma sa Tourism Development Plan aron malikayan ang overtourism.
Gawas sa turismo, gipresentar sa DTI ug M. Montesclaros Holdings Inc. ang pagporma sa Investment Profile aron madani ug mohatag og siguro nga kumpyansa sa mga investors sa Bukidnon.
Sa maong higayon, naghatag og update si CAAP PMO head Alexander Abag nga gipaspasan na ang pagtapos sa mga importanteng pasilidad sama sa control tower, cargo, ug fire station building sa ikaupat nga quarter ning tuiga 2026, isip pangandam sa opisyal nga pagsugod sa flight operations sa airport sa unang quarter sa tuig 2027.
Photo Courtesy: LGU – Bukidnon
