Mibida pag-usab ang 13-anyos nga si Keirsten Fernandez human makuha ang iyang ikaduhang bulawan nga medalya sa Asian Open Short Track Speed Skating Trophy nga gipahigayon sa India.
Nanguna si Fernandez sa Junior C Girls’ 777-meter event human makarekord og oras nga 1:19.989, diin iyang gipildi ang Australianong si Rachel Yi Lin Tan. Kahinumdoman nga niadtong Miyerkules, nasungkit usab ni Fernandez ang unang bulawan nga medalya sa nasud sa kasaysayan sa maong torneo pinaagi sa 1,000-meter event sa samang age category.
Gawas sa kalampusan ni Fernandez, nagpadayon ang pagsulbong sa delegado sa Pilipinas human makakuha og silver nga medalya si Xsandrie Guimba sa senior women’s 1,000-meter event sa oras nga 1:52.003.
Gipuno usab kini sa 8 anyos nga si Zymone Zurbito nga nakadaog og bronze medal sa Junior F Boys’ 333-meter event, nga nagdala sa kinatibuk-ang upat ka medalya alang sa nasod
Photo Courtesy: philippineskating IG
