Sugdan sa Department of Education (DepEd) ang pagpatuman og active-threat drills sa mga tulunghaan sa tibuok nasod sugod kini sa Agosto 25, 2026.
Nagtumong ang maong pagbansay sa pagsukod sa kabag-o ug kapaspas sa pagresponde sa mga eskwelahan batok sa mga hulga nga hinimo sa tawo, pamaagi sa pagbakwit sa mga estudyante padulong sa luwas nga lugar, ug ang hapsay nga paghiusa kanila uban sa ilang mga pamilya.
Gisagop sa maong mga bag-ong protocol ang mga leksyon gikan sa bag-ohay nga insidente sa pagpamusil sa mga tunghaan sa Tacloban ug Zamboanga City.
Sumala ni DepEd Undersecretary Malcolm Garma, nahuman na ang maong mga lagda kauban ang Philippine National Police (PNP) human usab kini masulayan ug ma-exercise sa Manila Science High School.
Lakip sa gipasiugda mao ang reunification stage aron malikayan ang gubot nga pagtapok sa mga ginikanan ug responders, samtang gipahigayon ang pagbansay aron matino ang mga kakulangan sa matag tunghaan sa dili pa ang hingpit nga pagpatuman niini sa tibuok nasod
Photo Courtesy:PNA
