Natangtangan og 3.1kilos nga bato sa pantog, ang usa ka 55-anyos nga lalaki sa Sri Lanka kinsa giingong nakabaton sa pinakadakong bladder stone nga natangtang sa mga doktor.
Nadiskubrehan ang bato human ma-confine ang lalaki tungod sa stroke ug nakasinati og kalisod sa pag-ihi. Atol sa operasyon, nakurat ang mga doktor sa kadak-on sa bato nga halos sama sa itlog sa ostrich. Sumala sa mga doktor, posible nga nagpundo ang maong bato sulod sa iyang pantog sulod sa lima hangtod 10 ka tuig sa wala pa kini natangtang.
Human sa operasyon, maayo na ang kahimtang sa pasyente ug padayon siyang nagpaayo. Ang maong kaso nakapakita usab sa importansya sa paghatag og medikal nga pagtagad sa dugay nang problema sa pag-ihi aron malikayan ang mas seryosong komplikasyon
Photo Courtesy:@RupinyRadio/ X.com
