‎AI-POWERED SMART GLASSES, NAIMBENTO ARON MATABANGAN ANG MGA BUTA

Gihimo ni Khalifa Aminu gikan sa Kano State, Nigeria, nga nailhan sa X isip @inventorkhalifa, ang usa ka AI-powered smart glasses nga gitumong aron matabangan ang mga tawo nga buta sa ilang pag-navigate nga dili na magsalig lamang sa walking cane o tabang sa laing tawo.
‎
‎Dili sama sa ordinaryong smart glasses, ang iyang gihimong device naghiusa sa artificial intelligence, sensors ug GPS aron makamatikod sa mga babag, makaila sa mga butang, ug makatabang sa user nga masabtan ang ilang palibot.
‎
‎Mahimo usab sa glasses nga masubay ang lokasyon sa nagsul-ob niini. Kung mawala o masaag ang user, mahimo kining mopadala sa iyang lokasyon ngadto sa caregiver pinaagi sa WhatsApp o email.
‎
‎Gipadayon pa ni Aminu ang pagpalambo sa proyekto pinaagi sa pag-integrate sa AI ug voice technology. Pinaagi niini, ang glasses mahimong makigsulti sa user ug mohatag og real-time nga impormasyon o summary bahin sa mga nahitabo sa ilang palibot.
‎
‎Matud sa maong ekipo, ang tumong niini mao ang paggamit sa teknolohiya ug AI aron mahimong mas luwas, mas episyente ug mas independente ang pagbiyahe ug pag-navigate sa mga tawo nga adunay visual impairment o dili makakita.
‎
‎Photo Courtesy: NY POST