Gipangulohan sa Strong Group Athletics-Philippines ang dominanteng 107-86 nga kadaogan batok sa Japanese selection sa William Jones Cup sa New Taipei City, Taiwan.
Kini na ang ikatulong sunod-sunod nga kadaugan sa SGA-PH human sa kapildihan sa Wonju DB Promy sa South Korea sa ilang unang dula. Nanguna sa scoring si Puerto Rican Isaiah Pineiro nga nakapuntos og 25, samtang unom ka players sa SGA ang nakahimo og double digits.
Human sa dula, makig-atbang pag-usab ang SGA-PH batok sa Wonju DB Promy alas-3 sa hapon karong Miyerkules. Importante kini nga dula alang sa SGA-PH tungod kay kinahanglan nilang modaog og 32 puntos aron makuha ang top seeding sa ilang grupo alang sa semifinals.
Tumong usab sa SGA-PH nga mahimong unang team nga makadaog sukad sa tulo ka sunud-sunod nga tuig sa Iran National Team nga nakadaog sa William Jones Cup.
