Patay ang lima ka Amerikano ug ang director general sa intelligence agency sa Ecuador human nga nahagsa ang usa ka helicopter sa central Kenya niadtong Miyerkules.
Sumala sa Kenyan Civil Aviation Authority, pito ka tawo ang sakay sa helicopter nga naglakip nila Michele Sensi-Contugi, director general sa Ecuadorian intelligence agency, ug iyang asawa nga si Stephany Sensi. Ang maong helicopter gikan sa Loisaba wildlife conservancy padulong unta sa Ewaso Ngiro River sa dihang nahitabo ang plane crash.
Gipahibalo sa US State Department nga nakigkoordinar na ang US Embassy sa mga local authorities alang sa consular assistance sa mga namatay nga Amerikano. Samtang, padayon ang imbestigasyon sa Kenyan Transport Ministry aron mahibal-an ang hinungdan sa pagkahagsa sa helicopter.
Photo Courtesy: CNN
