Nagpahinumdom ang Department of Labor and Employment (DOLE) sa mga employer ug empleyado bahin sa ilang mga katungod panahon sa pagsuspenso sa trabaho tungod sa kusog nga ulan, baha, ug uban pang weather disturbance. Base sa Labor Advisory No. 14, Series of 2026, ang mga pribadong kompanya mahimong mosuspenso sa operasyon aron maprotektahan ang kaluwasan sa mga empleyado.
Kung ang empleyado nakatrabaho og labing menos unom ka oras atol sa suspension, entitled siya sa full regular pay apan kon ubos sa unom ka oras ang iyang trabaho, mahimo siyang makadawat og proportional pay base sa oras nga iyang natrabaho.
Samtang ang mga empleyadong wala mosulod tungod sa suspension, dili entitled sa regular pay, gawas lang kung adunay company policy, collective bargaining agreement, o leave credits.
Gipasiugda usab sa DOLE nga dili dapat pahamtangan og administrative sanction ang mga empleyadong wala mosulod tungod sa hulga sa ilang kaluwasan atol sa daotang panahon.
Photo Courtesy: Wikipedia
