Gipahimangnoan ang mga mamalitay nga magmatngon sa pagdawat ug paggamit og peke nga kwarta, ilabi na sa gagmay’ng negosyo nga matinud-anong nanginabuhi. Matud sa mga negosyante, patas lamang sila sa ilang panginabuhian ug dili gustong malimbongan pinaagi sa peke nga salapi.
Nagpagawas ug awareness campaign ang Socorro Police Station kalabot sa pagkalat sa peke nga kuwarta. Gihangyo usab ang publiko nga susihon pag-ayo ang kwarta nga ilang madawat aron malikayan ang peke nga salapi mapasa sa uban.
Sa nagpasiugda sa pagamit og peke nga kwarta, gipatin-aw nga adunay silot kung masakpa. Kinahanglan nga ipahibalo dayon sa mga otoridad aron mapanubag sa balaod.
