Giangkon ni Dr. Faith Curaraton, Medical Officer 3, DOH-7 Regional National Immunization Program Medical Coordinator nga daghang mga ginikanan ang mahadlok ug midumili nga magpabakuna sa ilang mga kabataan.
Apan giklaro ni Curaraton nga luwas ang bakuna ug dili angayang kahadlokan sanglit ang bakuna sa Pilipinas pareho ra usab sa bakuna nga gigamit sa ubang mga nasud.
Gani matud niini nga kung adunay mga pangutana or kalibog maylabot sa bakuna tungod sa mga nagkatag nga fake news sa social media, mamahimo ra kaayong mangutana sa mga doctor or sa health center.
Pag-awhag sa tinubdan ngadto sa mga ginikanan nga pabakunahan ilahang mga anak aron mapanalipdan ang mga anak sa grabeng balatian.
Photo Courtesy: Wikipedia
