Nikabat sa $9.57 billion ang namugna nga kadaot sa ekonomiya nunot sa kusog nga pagtay-og nga nga nikutlo sa gatusan ka mga kinabuhi sa kasadpang bahin sa Colombia.
Mao kini ang gipamahayag ni Colombian President Abelardo de la Espriella isip pasiunang pagbana-bana human sa pagtay-og sa magnitude 7.4 nga linog sa maong nasud. Gikataho nga kadto ang labing kusog nga linog nga nasinati sa sa Colombia sulod na sa dul-an lima ka mga dekada.
Kahinumduman nga nitay-og ang linog niadtong Agosto 10, diin nikabat na sa 289, ang mga namatay ug kapin sa 4,200 ang naangol samtang niabot sa dul-an 150 ang padayon pa nga gipangita.
Nikabat sab sa dul-an 27,000 ka mga panimalay ang nakahiagom og kadaot, hinungdan nga daghang mga residente ang nangatulog nalang sa mga karsada ug sa mga pampublikong mga parke.
Photo courtesy: Wikipedia
