Duol na sa playoff berth ang Cebu Greats sa MPBL human mapadayon ang ilang kusog nga kampanya sa elimination round. Anaa sa ikalima nga pwesto sa South Division ang Cebu Greats nga adunay 17-5 nga rekord ug upat ka sunod nga kadaugan. Sa ilang pinakabag-o nga duwa, ilang gipaluhod ang Ilagan Isabela Cowboys, 80-52 niadtong Agosto 12.
Sunod nilang makontra ang Mindoro Tamaraws ugmang adlawa Agosto 21 sa Bulacan Capitol Gymnasium, samtang ilang tapuson ang elimination round batok sa defending champion nga Abra Solid North Weavers sa Agosto 31.
Kung modaog sa duha ka nahibiling duwa ang grupo, posible nga mosulod ang Cebu Greats sa top four ug makakuha og mas paborableng playoff position.
Importante usab ang performance sa ilang mga key player, lakip si leading scorer Jun Manzo nga nag-average og 18 puntos kada duwa ug Mark Meneses nga adunay 16 puntos.
Photo courtesy:CEBU GREATS fb
