Gihangyo ni U.S. President Donald Trump ang Iran nga mosurender na aron matapos ang nagpadayon nga gubat tali sa duha ka nasod. Sa usa ka phone interview, miingon si Trump nga ang Iran angay unta magtaas og “white flag of surrender” samtang wala pay kalambuan ang mga negosasyon alang sa pagtapos sa panagbangi.
Niadtong Hunyo, nagkauyon ang Washington ug Tehran sa usa ka memorandum of understanding alang sa dayon ug permanenteng paghunong sa mga operasyong militar, apan miingon si Trump nga napaso na kini niadtong Hulyo 7, samtang gikumpirma usab sa Iranian Foreign Ministry nga gikansela na nila ang kasabutan.
Ubos sa kasabutan, gikatakdang makigsabot ang duha ka nasod sulod sa 60 ka adlaw alang sa mas halapad nga kasabutan, lakip ang isyu sa nuclear program sa Iran. Sa laing panag-istoryahanay tali sa Oman ug Iran, gihisgutan usab ang posibleng pag-abli pag-usab sa commercial shipping sa Strait of Hormuz. Nagpasidaan si Trump batok sa Oman kung babagan niini ang mga lakang sa Estados Unidos sa rehiyon, ug miingon nga mahimo silang atakehon kung manghilabot sa mga plano sa Amerika.
Sa pangutana kung adunay kalabotan ang iyang mga lakang batok sa Iran sa umaabot nga November midterm elections, miingon si Trump nga wala kini epekto sa iyang pagdesisyon. Giinsistir sa U.S. President nga ang pangunang tumong sa iyang administrasyon ang pagpugong sa Iran nga makabaton og nuclear weapon.
Photo Courtesy: The Left Views
