Padayon ang imbestigasyon sa Police Regional Office 10 sa alegasyon sa pagpanglugos sa usa ka police trainee nga giingong nahitabo sa usa ka pribadong resort sa Jasaan, Misamis Oriental.
Matod ni PMAJ Joan Navarro, spokesperson sa PRO-10, walay paboran ang kapulisan sa imbestigasyon ug kung mapamatud-an nga adunay nakasala, kinahanglan atubangon niini ang hustong proseso sa balaod.
Dugang pa ni Navarro, susihon usab sa PNP kung adunay kapakyasan sa Field Training Officer (FTO) nga responsable sa mga police trainee nga nalambigit sa insidente.
Matod pa niya, lakip sa tan-awon sa imbestigasyon kung nasunod ba ang hustong supervision ug mga protocol sa pagdumala sa mga trainees. Padayon ang pagkuha sa mga impormasyon ug ebidensya aron matino ang tinuod nga nahitabo ug ang posibleng responsibilidad sa mga nalambigit.
Photo courtesy: PNP Police Regional Office 10
