Nangayo og pasaylo si Cagayan de Oro City Mayor Rolando “Klarex” Uy sa mga katawhan, ilabi na sa mga naapektuhan sa road clearing operation nga gihimo niadtong miaging semana sa palibot sa Cogon Market sa Cagayan de Oro City. Giklaro ni Mayor Uy nga nasabtan niya ang kahimtang sa mga vendors nga nanginabuhi pinaagi sa pagpamaligya daplin sa sidewalk.
Apan iyang gipasabot nga bisan pa man niini, kinahanglan gihapon nga sundon ug ipatuman ang balaod alang sa kahapsay ug kaluwasan sa publiko. Gipahayag usab sa mayor nga nangayo siya og pasaylo tungod sa dili maayong paagi sa pagpatuman sa clearing operation, ug mipasalig nga dili na kini mausab sa umaabot.
Kahinumdoman nga gipangunahan ni Task Force Road Clearing Co-Chairman Ret. PMaj. Sebastian Chua Jr. ang operasyon sa palibot sa Cogon Market.
Photo courtesy: Klarex Uy/ Facebook
