Gitun-an sa mga otoridad ang posibilidad nga dugangan ang presensya sa mga pulis ug barangay tanod sa palibot sa mga pribadong eskwelahan, human sa pagpamusil nga nahitabo sa Ateneo de Zamboanga Junior High School sa Zamboanga City niadtong Martes, Agosto 18, 2026.
Sumala sa mga otoridad, ang maong lakang gitumong sa pagpalig-on sa seguridad sa mga estudyante, magtutudlo ug uban pang personnel sa eskwelahan, ilabina panahon sa pagsulod ug paggawas sa mga estudyante.
Kabahin kini sa gipalapdan nga Safer School Zones program, diin gikoordinar sa lokal nga kagamhanan, Philippine National Police o PNP, barangay ug uban pang ahensya ang mga lakang aron mas higpitan ang seguridad sa palibot sa mga eskwelahan.
Padayon usab nga gisusi sa mga otoridad ang dugang nga mga lakang nga angay ipatuman aron malikayan ang pagbalik sa susamang insidente ug masiguro nga luwas ang mga eskwelahan alang sa mga estudyante ug personnel
Photo Courtesy: PHILIPINE NEWS AGENCY
