Mikabat sa 21 ka indibidwal ang nadakpan sa managlahing anti-illegal drug operations sa Police Regional Office–Negros Island Region (PRO-NIR) ug Philippine Drug Enforcement Agency–Negros Island Region (PDEA-NIR) gikan Agosto 4 hangtod 16, 2026.
Sumala sa report, nahitabo ang mga operasyon sa nagkadaiyang lugar sa Negros Occidental, lakip ang Bacolod City, ug Negros Oriental. Sa mga operasyon, nakumpiska sa mga otoridad ang gibanabanang P12,939,960 nga kantidad sa gituohang shabu.
Ang mga operasyon kabahin sa padayong kampanya sa PRO-NIR ug PDEA-NIR batok sa pagbaligya ug pag-apod-apod sa ilegal nga droga sa Negros Island Region. Ang mga nakumpiska nga substansiya gipaubos sa hustong inventory ug laboratory examination alang sa kumpirmasyon.
Ang mga nadakpan posibleng pasakaan og kaso tungod sa paglapas sa Republic Act 9165 o Comprehensive Dangerous Drugs Act of 2002.
Courtesy: DAILY News GURADIAN
