Kapin 105 ka pamilya nga naapektuhan sa Bagyong Tino ang nakadawat og bag-ong puy-anan human opisyal nga giturn-over ang mga balay nga gitukod sa Negrense Volunteers for Change o NVC Foundation sa Ferlou Relocation Site, La Carlota City niadtong nakalabay nga adlaw.
Ang mga balay gitukod alang sa mga pamilyang nawad-an sa ilang mga pinuy-ana ug dili na makabalik sa ilang kanhing lugar tungod kay giila kini nga no-build zones. Matag balay adunay 26 square meters, adunay duha ka kwarto, sala nga adunay balcony ug kasilyas.
Gipangunahan sa NVC Foundation ang proyekto pinaagi sa tabang sa mga donor gikan sa nagkadaiyang bahin sa Pilipinas ug gawas sa nasod, samtang gisuportahan kini saLa Carlota City Government pinaagi sa paghatag sa luna alang sa relocation site.
Gipasalamatan sa lokal nga panggamhanan ang NVC, mga donor ug uban pang grupo nga mitabang sa pagtukod sa mga balay, nga gitumong aron mahatagan og mas luwas ug lig-on nga puy-anan ang mga biktima sa bagyo.
Photo Courtesy: Watchmen Daily Journal
