Patay ang duha ka trabahante human mibusikad ang usa ka industrial recycling business sa Toledo, Ohio sayo niadtong Martes, nga misangpot usab sa dakong sunog sulod sa establisemento samtang naangol usab ang uban pa nga mga empleyado Agosto 18, 2026
Matod sa mga otoridad, duha ka explosion ang nahitabo wala pa mag-alas singko sa buntag atol sa shift change. Nakit-an sa mga bombero ang lawas sa usa ka lalaki ug usa ka babaye sulod sa nasunog nga building.
Tulo pa ka empleyado ang nakaangkon og minor injuries, samtang gikontrol sa mga responder ang sunog ug gisusi ang posibilidad sa dugang nga pagbuto tungod sa presensya sa hazardous materials.
Nagpadayon pa ang sunog hangtod Martes sa hapon ug wala pa matino sa mga otoridad ang hinungdan sa pagbuto. Giingon usab sa environmental officials nga wala’y nakit-ang peligro sa hangin human sa insidente.
Photo Courtesy: WTOL 11
