Nakapukaw sa atensyon sa publiko ang usa ka steakhouse sa South Florida, United States tungod sa talagsaon nga pag-atiman sa ilang customer pinaagi sa pagtugot nga mokaon nga walay gisul-ob nga sinina.
Ang CLASS Soiree Steakhouse sa Hollywood, Florida nagpahigayon og espesyal nga “nude dining” night matag Lunes nga usa ka alternatibong dining experience sa mga muka-on sa maong restaurant.
Sumala sa chef ug tag-iya sa restaurant nga si Maurad Ali, iyang gilunsad ang maong konsepto aron makadani og bag-ong mga customer ug makahatag og lahi nga kasinatian sa ilang mga bisita.
Matud pa ni Ali, adunay mga tawo nga interesado sa ingon niini nga klase sa kasinatian, ug iyang gipasalig nga propesyonal ug respetado ang pagdumala sa ilang mga empleyado atol sa maong event.
Sa unang Lunes sa Agosto, mokabat sa 20 ka tawo ang mitambong sa nude dining event ug ang ticket mokantidad og $250 alang sa lalaki, ug $150 alang sa babaye, samtang sa mga magti-ayon $300.
Photo Courtesy: The Independent
