Makabiyahe na og libre sa bus ang mga indibidwal nga adunay disability sa England bisan unsang orasa sa adlaw sugod Abril 1, 2027, ubos sa bag-ong polisiya sa gobyerno.
Sa kasamtangan, limitado ang paggamit sa disability bus pass gikan alas 9:30 sa buntag hangtod alas 11 sa gabii kung weekdays. Wala kini time restriction panahon sa weekends ug bank holidays.
Gibanabana nga mokabat sa usa ka milyon ka benepisyaryo ang makabenepisyo sa maong kausaban. Matud sa gobyerno, importante ang bus alang sa mga persona nga adunay disability, ilabina kadtong dili makadrive. Ang programa nagkantidad og £60 milyon ug pondohan gikan sa budget sa Department for Transport ug Department for Work and Pensions.
Photo Courtesy: Alamy
