Nakabaton sang mas maayo kag mas komportable nga pasilidad ang mga estudyante sang Masiag Central School sa Bagumbayan, Sultan Kudarat matapos makompleto sang DPWH–Sultan Kudarat 2nd District Engineering Office ang rehabilitasyon sang duha ka building nga may kabug-usan nga anum ka classrooms.
Ginabulubanta nga 240 ka mga estudyante ang makabenepisyo sa sini nga proyekto nga nagtinguha nga makahatag sang mas luwas, matinlo kag mas maayo nga learning environment para sa mga kabataan.
Kabahin ini sang padayon nga panikasog sang gobyerno nga mapaayo ang mga pampubliko nga pasilidad kag mapalig-on ang kalidad sang pag-eskwela sang mga estudyante.
Pinaagi sa sini nga rehabilitasyon, ginalauman nga mas mangin komportable ang mga estudyante kag mga manunudlo sa ila adlaw-adlaw nga pagkat-on kag pagtudlo. Ginahatag man sang nasambit nga proyekto ang padayon nga paghatag-prayoridad sa edukasyon paagi sa paghatag sang luwas, maayong kahimtangan kag dekalidad nga mga pasilidad pang-eskwelahan.
Photo Courtesy:DPWH REGION Xll SOCCSKSARGEN
